Fríggjadagin seinnapart var ein maður førdur í grundlógaravhoyring, skuldsettur fyri at selja rúsevni.
Maðurin varð tikin síðst í oktober, tá hann royndi at smugla 150 gramm av hassj og fýra gramm av amfetamin inn í landið, men hann varð kortini leyslatin tá.
Hóskvøldið varð maðurin tikin undir einari húsarannsókn, har løgreglan fann seks gramm av amfetamin umframt 20 gramm av ymiskum rúsevni umframt rohypnol, sum verður brúkt til drug-rape (gentur verða doyvdar og neyðtiknar).
Maðurin er eisini undir illgruna fyri at býta rúsevni fyri sex til ungar gentur.
Ákærin vildi hava mannin varðhaldsfongslaðan í 14 dagar, meðan málið verður kannað meira, og tað gekk dómarin við til. Maðurin verður varðhaldsfongslaður í isolatión í 14 dagar.
Maðurin noktar seg sekan og sigur, at rúsevnini bert vóru ætlað honum sjálvum.
