Í kvøld hevur Rás2 valkjak í sendingini Leygarkvøld í Klaksvík.
Umboð fyri allar teir politisku flokkarnar, sum stilla upp á kommunuvalinum í Klaksvíkar kommunu, eru við í kjakinum.
Umboðini fyri flokkarnar eru: Gunvá við Keldu (Fólkaflokkurin), Jógvan Skorheim (Sjálvstýrisflokkurin), Óluva Klettskarð (Tjóðveldi), Tummas Lervig (Javnaðarflokkurin) og Símun Michael Sørensen (Sambandsflokkurin).
Kjakast verður um raðfestingar komandi fýra árini, um samstarv ella manglandi samstarv millum meiriluta og minniluta, og um íløgur, sum bíða fyri framman.
Í sendingini verða eisini samrøður við tvey listafólk, og livandi tónleikur verður við Karl Martin Samuelsen og Hans Andrias Jacobsen.
