Fyrr í dag boðaði Eysturoyar Sjálvstýrisfelag frá, at tað vil hava Kristinu T. Larsen á listan til fólkatingsvalið, og nú boðar Rúna Sivertsen so frá, at hon eisini er til reiðar at bøta um javnstøðuna á listanum.
Rúna Sivertsen hevur sent soljóðandi fráboðan út:
»Við hesum boði eg veljarum Sjálvstýrisfloksins frá, at eg, eftir áheitan frá Norðoya Sjálvstýrisfelag, havi gjørt av at játta at stilla upp til fólkatingsvalið á listanum hjá Sjálvstýrisflokkinum.
Eftir at hava vigað fyri og ímóti, eri eg komin til, at tað er umráðandi, at eg eri við og geri mína ávirkan galdandi í flokkinum.
Innanfloks fari eg at arbeiða fyri at broyta leiðsluháttin, soleiðis at veljarar floksins aftur kunnu kennast við Sjálvstýrisflokkin«.
