Helena Dam á Neystabø, Heðin Mortensen, Kristian Magnussen, Óli Jacobsen, Karsten Hansen, Finnbogi Arge eru dømi um fólk, sum hava umboðað minst tveir flokkar á tingi. Fólk úr ymsum flokkum. Men nú tá Fólkaflokkurin er í kykaranum, so er áhugavert at varpa ljós á fólk, sum nýliga eru farin úr flokkinum.
Sjálvstýrisflokkurin hevur mangan verið kallaður »kittflokkurin« – speirekandi, tí hann kann brúkast í øllum samgongum, og har eru allar meiningar vælkomnar. Flokkurin kann brúka bæði »brúkt« javnaðarfólk og »brúkt« fólkafloksfólk. Tvey fólk, sum nýliga eru farin úr F'olkaflokkinum, eru Rúna Sivertsen og Heðin D. Poulsen.
Rúna Sivertsen hevur umboðað Fólkaflokkin á tingi í seks ár sum varafólk fyri Anfinn Kallsberg. Heðin D. Poulsen hevur eisini verið íðin fólkafloksmaður, tó at hann ongantíð kom í fremstu røð.
Tey bæði eru tí potentiellir kandidatar til fara upp í Framsókn, flokkin hjá Poul Michelsen. Tey hava ongan kjans í Gamla Sjálvstýrinum, tí nýggi formaðurin hevur tikið um stýrisvølin. Hann verður kanska ikki einsamallur, men fær valla meira enn ein aftur at sær. Gamla Sjálvstýri skal nokk klára seg, men als einki bendir á, at flokkurin fer at vaksa. Hann hevur staðið í stað síðani 1940, so har er eingin vón í so máta.
