Fótbóltur
Rógvi Jacobsen og Hødd fingu eina góða byrjan, tá fyrsta umfarið í Adecco-liguni varð spælt í dag.
Hødd spældi á heimavølli móti Sarpsborg Sparta.
Talan var um ein javnan dyst fyri steðgin, men í seinna hálvleiki trýsti Hødd alsamt meira.
Tað gingu tó 80 minuttir, áðrenn nakað mál kom. Og sum ikki einaferð var Rógvi Jacobsen hægsti maðurin eftir frísparksinnlegg, og so var Hødd á sigurskós. Í yvirtíðini staðfesti álopsfelagin hjá Rógva, Joachim Magnussen, sigurin.
Eftir dystin, har 1.200 áskoðarar hugdu at, varð Rógvi kosin sum dagsins maður hjá Hødd.
