Fótbóltur
18 ára gamli Rógvi Holm er ein framtíðar maður á besta liðnum hjá Aberdeen.
Tað heldur í øllum førum venjarin Jimmy Calderwood, sum sambært blaðnum Aberdeen Evening Express, rósar føroyska verjuspælaranum.
Rógvi Holm hevur verið í Aberdeen seinastu mánaðirnar, og hann hevur spælt fyri eykaliðið hjá felagnum.
- Mær dámar sera væl her í Aberden, og tað hevur eisini gingið væl við fótbóltinum. Mítt mál er at fáa nógvar dystir við eykaliðnum í hesum kappingarárinum og flyta meg rætta vegin, sigur Rógvi Holm við Aberdeen Evening Express.
Tveir aðrir føroyskir spælarar hava roynt seg í Aberdeen seinastu tíðina. Teir eru Gilli Sørensen og Hallur Hansson, sum báðir eru 16 ára gamlir.
