Legendariski bólkurin Queen verður nú at hoyra í Grammy Hall of Fame saman við sangaranum Stevie Wonder. Stakfløgurnar hjá Queen ?We Are the Champions? og ?We Will Rock You? og 40-ára gamla hittið hjá Stevie Wonder ?For Once in My Life? eru millum 28 innspælingarnar, sum verða upptiknar í Grammy Hall of Fame í ár.
Á listanum er eisini Police-fløgan ?Synchronicity? frá 1983, tulkanin hjá Jimi Hendrix av ?The Star-Spangled Banner?, kærleikatemaið frá ?The Godfather? og rokkklassikarin hjá Lynyrd Skynyrds ?Sweet Home Alabama?.
Hall of Fame varð gjørt í 1973 og við nýggju løgunum frá í ár eru nú í alt 826 løg partur av hesum. Úrvalið stendur av hittmakarum frá øllum pørtum av amerikanska tónleikaídnaðinum. Mánadagin var savnið partur av einum nýggjum Grammy-listasavni, sum opnaði í Los Angeles.
