2022 HM í Qatar verður ikki hildið um summarið, sambært FIFA aðalskrivaranum, Jerome Valcke.
Tað skrivar BBC Sports.
Skráin fyri kappingina hevur verið umrødd, síðani hon kontroversielt varð latin Qatar í desember 2010.
Ræðslan fyri øgiliga hitanum um summarið í Golfinum hevur reist spurningin, um tað verður ov vandamikið fyri spælararnar og viðhaldsfólk.
- Skráin fyri HM í Qatar verður ikki í juni/juli, segði Valcke við Radio France.
- Fyri at siga tað, sum tað er, vænti eg, at kappingin verður hildin onkustaðni millum 15. november og 15. januar, helt Valcke fram.
- Um spælt verður millum 15. november og endan av desember, fær tú frægasta veðrið við hita, sum líkist hitanum í einum heitum vári í Europa við miðalhita á 25 stig, og tað er frálíkt fótbóltsveður, sigur Jerome Valcke.
