Í dag er stóri fótbóltsdagurin í Føroyum. Tað er nevniliga í dag, at tann stóri finaludagurin er í fótbólti og ikki minst eru tey í Gøtu og Leirvík spent. Lið teirra, Víkingur, er nevniliga annað liðið í mansfinaluni og longu frá morgunstundini hava tey roynt at leggja botn til eina stóra fótbóltsveitslu.
Fyri at fáa fólk í tað rætta fóltslagið beinanvegin, hevur fjepparafelagið hjá Víkingi, Ultras, koyrt runt í bygdunum báðum og purra fólk út við floytum, sangi og víkingafløggum.
Ein tann ídnasti víkingafjepparin av øllum, Per Martin Gregersen, sum lesur í Danmark, er komin heim at stuðla Víkingi í dag og hann sigur við in.fo, at fjepparafelagið fer at gera alt tey kunnu, fyri at fáa gøtufólk og leirvíkingar upp í høgsta fótbólts-snúningar longu frá morgunstundini og ein liður í hesum var at purra fólk út í morgun við sangi, floytum og fløggum.
Og hann vónar fólkið í Eysturkommunu fer á Tórsvølll í dag so at Víkingur aftur kann vera steypavinnari. Fólkið tóku væl ímóti óvæntaðu útpurringini í morgun og komu út á altanin og út í tún at vinka og práta.
Síggj fleiri myndir við at trýsta HER
|
