Public service til sølu

Men hví formaðurin í kring­varps­stýr­i­num, Rúni Heinesen, kem­ur til ta niðurstøðu, at um priv­ata fyritøkan Content ikki gjørdi hesa sending, so var eingin sending nýggj­ársaftan, tykir okkum løgið.

Um tað er lættari hjá privatum at fáa fígging til at gera sjónvarp, er tað so kanska vegurin fram, at Kring­varp­ið út­vei­tir enn fleiri uppgávur? Og fáa øll somu treytir, sum Kári Dur­huus og Høgni í Jákupsstovu, sum sluppu at læna alla útgerð og fólk úr Kringvarpinum fyri 0 krón­ur? Hvat nú, um til dømis Rás2 ætl­ar at varpa hondbóltsdystir út í sjón­varpi eisini, sleppur Rás2 so at læna OB bilin hjá Kringvarpinum, sum kostar 10 milliónir krónur, fyri einki? Er tað rætt, at Kringvarpið let­ur privatum ræðisrætt yvir tíð­ind­a­tilfari, sum er framleitt fyri hyggj­a­ra­gjaldið - sum í hesum føri ein red­a­ktørur í Kringvarpinum brúk­ar at selja lýsingar fyri, sum hann sjálvur fær ágóðan av?

Tað er nógv sum skurrar við hesi av­gerðini hjá Dia Midjord, sum kanska er ein provokatión av kring­varp­s­stýr­i­num ella Ment­a­mál­a­ráð­num - ella í øllum førum Føroya fólki, sum eigur hendan stovnin, sum tey við lóg skulu gjalda fyri, um tey vilja tað ella ikki.

Vit hava so mangan víst á tað ab­surda í, at privatu fjølmiðlarnir skulu stríðast í kapping við ein al­mennan skatt­a­inn­krevjara, sum Kr­ing­varp­ið, um lýs­ing­ar- og spon­sor­peng­ar. Men tá privatar fyri­tøk­ur keypa sær eitt heilt kvøld í Kring­varp­i­num – enntá nýggj­ars­aft­an, og sleppa at við­gera nakað so stórt sum nýggj­árs­røð­una hjá løg­manni sam­an við øll­um floks­­for­­monn­u­num á tingi – har ein teirra enntá var spons­orur fyri sendingina og – alt­so ein av floks­for­monn­u­num hev­ur be­talt peng­ar fyri, at send­ing­in fór í luft­ina og betalt lønina hjá teim­um báð­um, sum spurdu hann – so er okk­urt, sum ikki rugg­ar rætt. Hevði tað komið fyri, at Dan­mark Radio læt onkrum hiss­ini priv­at­per­són­um upp­gáv­una at við­gera nýggj­árs­røð­u­na hjá Mar­gretu drotn­ing saman við landsins fremstu pol­i­tikarum? Valla...

At Kringvarp Føroya roynir nýggj­ar og alt­ern­a­tiv­ar leiðir er utt­an iva til­trongd. Men hendan roynd­in virk­aði illa umhugsað og alt ov til­vild­ar­lig.