Í annaðkvøld - týskvøldið 5. apríl - verður almennur fyrilestur í Felagsskúlanum á Oyrarbakka. Hetta er fimmti og seinasti fyrilesturin í almenna kunningarátakinum hjá Økispsykiatriini í Norðstreymi/Eysturoy.
Fyrilesturin snýr seg um, hvat psykosa er, og hvat tað merkir at vera psykotiskur? Í fyrilestrinum verður eisini greitt frá um skizofreni.
- Orðið skizofreni kemur úr griskum og merkir “splittet sind”, sum vísir til tær sinnisligu broytingarnar í tanka-og sansaupplivingunum, sum persónurin hevur.
Tað verður Tormóður Stórá, leiðandi yvirlækni á Psykiatriska deplinum, sum fer at halda fyrilesturin.
- Høvið verður at seta spurningar. Í steðginum verður kaffi, og øll eru hjartaliga vælkomin, sigur Psykiatriski depilin/Økispsykiatriin um tiltakið í Felagsskúlanum á Oyrarbakka í annaðkvøld.
