Fransku myndugleikarnir hava boðað frá, at tað verður ongin fótbóltur fyrr enn í septembur. Eftirfylgjandi avlýsti franska Fótbóltssamabndið restina av kappingarárinum.
Nú hevur Ligue 1 kunngjørt, at Paris Saint Germain er franskir meistarar, hóast tað enn resta nøkur umfør í. Neymar Jr og Paris Saint Germain vóru 12 stig fremst og høvdu ein dyst til góðar. Tí kemur tað ikki óvart á, at teir verða kosnir franskir meistarar.
Altjóða miðlar skriva, at fótbóltssambandið hevur avgjørt at avgreiða kappingina við at rokna hvussu nógv stig hvørt lið hevur fingið í miðal per dyst. Eitt av feløgunum, sum ikki tekur undir við avgerðini er Lyon, sum er á sjeynda plássi, men metir seg hava góðar møguleikar at vinna seg longur fram.
Landskappingini í bæði Belgia og Hollandi er avlýst, men her er stór mótstøðu frá teimum feløgunum, sum kenna seg fyri órøttum í eitt nú niðurflytingarstríðnum.
