Provokatørur og undangongukvinna heiðraði

Tónaskaldið Kári P og sjónleikakvinnan Laura Joensen fingu fríggjakvøldið landsins størstu viðurkenning fyri teirra listarligu og mentanarligu avrik

Anna V. Ellingsgaard

18.01.2010 (13:59)

<style type="text/css">   Longu við sanginum »Kalli Katt« prentaðum í skránni, og sjónleikapallmyndini í einum horni vóru týðiligar ábendingar um, hvørji fór at fáa ávikavist Mentanarvirðisløn og Heiðursgávu Landsins handaðar í Listaskálanum fríggjakvøldið. Og onkustaðni millum áskoðararnar vóru eisini tónaskaldið Kári P og sjónleikakvinnan Laura Joensen at hóma fyri løtu seinni at standa á pallinum og taka ímóti blómutyssum og viðurkennandi orðum. Hóast Føroya størstu føroysku mentanarviðurkenningar hava ein ávísan afturlítandi dám, man fáur vera í iva um, at sporini, sum móttakararnir av Mentanarvirðisløn Landsins og Heiðursgávu Landsins 2009  hava sett eftir seg, standa líka ljóslivandi í dag. Í síni heiðurskvøðu til Kára P minti Rói Patursson eisini á, at hansara orð vóru hvørki ein søgulig kvøða ella afturlítandi røða - ikki minst tí vísurnar hjá tónaskaldinum raka beint í dagsins hóttanir móti teimu veiku í samfelagnum. Eisini Jenny C. Petersen vísti á, at stóra arbeiði við at skipa ein Tjóðpall og betri kor fyri listafólk neyvan var komið so langt, var tað ikki fyri stóra arbeiðið hjá Lauru Joensen. Sjálvt um hvørki Kári P ella Laura Joensen hava  gjørt serliga vart við seg á einum listasavni, var tiltakið skipað á ein hátt, so eisini tey hoyrdu heima har eina løtu. Tórshavnar manskóri sang fyri til tveir felagssangir úr sangskattinum hjá Kára P og framførdu eisini sermerkta Kára P sangin "Skygni". Og móti endanum á tiltakinum fóru Bárður Persson og Barbara Christophersen á pall við broti úr nýggjasta leikinum hjá Tjóðpallinum »Heimsins bestu jarðarferðir«, sum Laura Joensen hevur týtt úr svenskum. <o:p> </o:p> <o:p> </o:p> Kári P fekk Mentanarvirðislønina á 150.000 krónur<o:p></o:p> Landsstýriskvinnan í mentamálum lat yrkjaranum, tónaskaldinum, gittaraleikaranum og sangaranum Kára P Mentanarvirðisløn Landsins 2009 við hesi grundgeving. Í 40 ár hevur Kári P. skapað og givið okkum listarlig virði á høgum stigi. Við beinraknum, einføldum, djúpum og fjølbroyttum yrkingum hevur hann meira enn nakar annar rúnarbundið okkum við mangan speisomu, hittinorðaðu og kenslubornu sangum sínum. Hann hevur gjørt okkum bilsin og hugsanarsom og hevur provokerað og glett okkum við tekstum, løgum og framførslum, ið eru vorðin ogn Føroya fólks. Allastaðni fram við ringvegnum hómast í vælferðarvísunum eitt stórt álvarsemi og ein gjøgnumførd listarlig ætlan, og mann kann ikki annað enn taka undir við skaldinum, tá ið tað syngur: “hóast verðin er lítil er mín heimspeki stór”. <o:p> </o:p>   Laura Joensen fekk Heiðursgávuna á 75.000 krónur<o:p></o:p> Helena Dam á Neystabø, landsstýriskvinna í mentamálum, handaði sjónleikakvinnuni Lauru Joensen Heiðursgávu Landsins við hesi grundgeving: <o:p> </o:p> Laura hevur verið og er eitt av undangongufólkunum innan føroyskan sjónleik. <o:p> </o:p> Sum sjónleikari og leikstjóri er Laura hvørki komin til búgvið borð ella skorin klæðir. Hon hevur, síðan hon var 14 ára gomul, treiskast í hesum leiklutinum, annaðhvørt á palli, handan leiktjøldini ella í øðrum leiklutum, sum hava havt við leiklistina at gera. <o:p> </o:p> Í eitt mannaminni hevur hon verið álitið og útinnandi megin í sjónleikalívinum um alt Føroya land, á bygd og í bý, í áhugaleiki og yrkisleiki, í barnaleiki og vaksnamannaleiki. Hennara leiklutur hevur heldur ikki ligið eftir, tá ið tað hevur snúð seg um at fingið leiklistarligt tilfar fram í útvarpi og í sjónvarpi. Hon hevur verið ein av hornasteinunum í leikbólkinum Grímu, Leikpalli Føroya og nú á Tjóðpalli Føroya. Fyri hetta ófatiliga, ósjálvsøkna stríðið fær Laura Joensen, sum eina tøkk, handaða Heiðursgávu Landsins 2009. <InvalidTag content="" name="Titel" /> <InvalidTag content="" name="Nøgleord" /> <InvalidTag content="text/html; charset=utf-8" http-equiv="Content-Type" /> <InvalidTag content="Word.Document" name="ProgId" /> <InvalidTag content="Microsoft Word 2008" name="Generator" /> <InvalidTag content="Microsoft Word 2008" name="Originator" /> <link href="file://localhost/Users/Anna/Library/Caches/TemporaryItems/msoclip/0/clip_filelist.xml" rel="File-List" />  <style type="text/css">  </style>   Mentanarvirðisløn Landsins: <o:p> </o:p> Í kunngerðini fyri at lata Mentanarvirðisløn Landsins stendur millum annað, at endamálið við at veita virðislønina er at heiðra føroyskt mentafólk sum tøkk fyri útint listarligt avrik, og til tess at kunna fáa Mentanarvirðisløn Landsins skal virðislønarevnið hava skapað listaverk á høgum støði. <o:p> </o:p> 1998: Regin Dahl 1999: Jens Pauli Heinesen 2000: Ingálvur av Reyni 2001: Eyðun Johannessen 2002: Gunnar Hoydal 2003: Hanus Kamban 2004: - eingin virðisløn latin 2005: Tita Vinther 2006: Zacharias Heinesen 2007: - eingin virðisløn latin 2008: Ebba Hentze 2009: Kári P. <o:p> </o:p>   Heiðursgáva Landsins <o:p> </o:p> Í kunngerðini fyri at lata Heiðursgávu Landsins stendur millum annað, at virðislønarevnið skal hava virkað til frama fyri mentanarlig virði, sum hava týdning fyri føroyska mentan, list og mentanararv. <o:p> </o:p> 2001: Fuglafjarðar Sjónleikarafelag 2002: Axel Torgarð 2003: Ólavur Hátún 2004: - eingin heiðursgáva latin 2005: Emil Juul Thomsen 2006: Jógvan Isaksen 2007: - eingin virðisløn latin 2008: Martin Tórgarð 2009: Laura Joensen <o:p> </o:p>

Provokatørur og undangongukvinna heiðraði

Mest lisið

Úr 100 ára gamlari íbúð í spildurnýggj hús

Myndir: Tórshavn marathon

Løgdu hald á 100.000 risastórar kakkulakkar

Fullkomiliga ørt at renna og súkkla í Húsareynsatunlinum

Politibilur filmaði mann sum sló við Tjarnir

Stuðulin til Trump nærkast metlágum støði

Fimm av átta dystum móti Lettlandi eru endaðir við javnleiki

Russiskir hermenn ferðast í loyndum gjøgnum Danmark

Zelenskyj væntar amerikanska hjálp at fáa endað kríggið

Ábyrgdarleyst at súkkla og renna í tunlinum