Í gjár giftust Theodor E. D. Olsen, prestur í Hoyvík, og Jeanette Ellefsen Blaasvær. Vígslan var í Hoyvíkar kirkju.
Theodor Olsen er prestur í Suðurstreymoyar norðara prestagjaldi, sum fevnir um Hoyvík, Sund, Kaldbaksbotn, Kaldbak og Hvítanes. Hann er uppvaksin í Hoyvík, skamt frá Hoyvíkar kirkju, sum er størsta kirkjan í prestagjaldinum.
Theodor er sonur Leiv Olsen, sála, úr Kvívík og Marnu Dam Olsen úr Sandavági.
Jeanette Ellefsen Blaasvær er úr Havn. Hon er dóttir Mortan Blaasvær, møbilpálstrara, og Aleth Blaasvær, sum er úr Miðvági. Jeanette arbeiðir sum fulltrúi í Almannaráðnum.
Nýgiftu prestahjúnini búgva í nýggja býlinginum Myllutjørn í Hoyvík, sum er beint oman fyri kirkjuna, vestan fyri Karlamagnusarbreyt.
