Southampton hevur í dag kunngjørt, at venjarin í felagnum, eysturríski Ralph Hasenhüttl, er koyrdur. Hann er fimti venjarin, sum fær sekkin í hesum kappingarárinum.
Undan honum eru Scott Parker, Thomas Tuchel, Bruno Lage og Steven Gerrard koyrdir í hesum kappingarárunum. Ralph Hasenhüttl hevur verið venjari í Southampton síðani 2018, har hann millum annað hevur yvirlivað at hava tapt 9-0 tvær ferðir. Fyrst móti Leicester og síðani móti Manchester United. Hóast eyðmýkjandi tapini hevur leiðslan í felagnum valt at halda fast við eysturríska Ralph Hasenhüttl.
Felagið úr suðuronglandi hevur verið ein klekingarstøð fyri spælarar til tey størru feløgini í Premier League. Har kann nevnast, at spælarar sum Theo Walcott, Luke Shaw, Gareth Bale, Adam Lallana og Alex Oxlade-Chamberlain eru uppvaksnir í felagnum, meðan spælarar sum Virgil van Dijk, Sadio Mané, Morgan Schneiderlin og Dejan Lovren eru seldir fyri nógvar pengar.
Southampton liggur í løtuni til niðurflyting. Fyribils verður tað Rubén Sellés, ið tekur við.
| 1 | Arsenal | 13 | 11 | 1 | 1 | 31:11 | 34 |
| 2 | Manchester City | 13 | 10 | 2 | 1 | 39:12 | 32 |
| 3 | Newcastle | 14 | 7 | 6 | 1 | 28:11 | 27 |
| 4 | Tottenham | 14 | 8 | 2 | 4 | 27:18 | 26 |
| 5 | Manchester Utd | 13 | 7 | 2 | 4 | 18:19 | 23 |
| 6 | Brighton | 13 | 6 | 3 | 4 | 22:17 | 21 |
| 7 | Chelsea | 13 | 6 | 3 | 4 | 17:16 | 21 |
| 8 | Liverpool | 13 | 5 | 4 | 4 | 25:16 | 19 |
| 9 | Fulham | 14 | 5 | 4 | 5 | 23:24 | 19 |
| 10 | Crystal Palace | 13 | 5 | 4 | 4 | 15:17 | 19 |
| 11 | Brentford | 14 | 3 | 7 | 4 | 21:24 | 16 |
| 12 | Leeds | 13 | 4 | 3 | 6 | 19:22 | 15 |
| 13 | Aston Villa | 14 | 4 | 3 | 7 | 14:21 | 15 |
| 14 | Leicester | 14 | 4 | 2 | 8 | 23:25 | 14 |
| 15 | West Ham | 14 | 4 | 2 | 8 | 12:15 | 14 |
| 16 | Everton | 14 | 3 | 5 | 6 | 11:14 | 14 |
| 17 | Bournemouth | 14 | 3 | 4 | 7 | 15:32 | 13 |
| 18 | Southampton | 14 | 3 | 3 | 8 | 12:24 | 12 |
| 19 | Wolves | 14 | 2 | 4 | 8 | 8:22 | 10 |
| 20 | Nottingham F. | 14 | 2 | 4 | 8 | 10:30 | 10 |
