Serbussar í sambandi við flutning úr Hvannasundi/Norðdepli til renning/gongd frá Ánunum
Tríggir bussar koyra frá Hvannasundi til Ánirnar (so fólk frá Viðareiði/Hvannasundi kunnu luttaka í gongd/renning uttan at taka bil suður um). Bussarnir koyra kl. 11.10 umvegis busssteðgiplássini báðumegin byrgingina í Hvannasundi/Norðdepli.
Serbussar í sambandi við hátíðarhaldið
Frá kl. 12.30 til umleið kl. 13.20 koyra tveir bussar pendulfart til/frá bussisteðgiplássunum báðumegin byrgingina í Hvannasundi/Norðdepli og koyra til nýggja tunnilsmunnan Hvannasundsmegin (við Toftá). Somuleiðis beint eftir hátíðarhaldið uml. Kl. 14.10 koyra bussar aftur pendulfart og seta fólk av við busssteðgiplássini báðumegin byrgingina í Hvannasundi/Norðdepli. Bussarnir koyra til umleið kl. 15.00.
Serbussar í sambandi við renning/gongd – flutningur aftur til Klaksvíkar
Í sambandi við renning/gongd koma tveir bussar at standa við tunnilsmunnan Hvannasundsmegin og koyra uml. kl. 14.10 til Klaksvíkar og seta fólk av við busssteðgiplássið við Biskupstorg.
Parkering av bilum í sambandi við hátíðarhaldið
Væntandi vera nógvir bilar til renning/gongd/súkkling og hátíðarhaldið og tí er týðandi, at bilar vera parkeraðir á støðini, ið síggjast á hesum myndunum og annars taka neyðug fyrilit til ferðslutrygdina. Landsverk vil ráða fólki til mest møguligt at brúka busssambandið frá Hvannasundi/Norðdepli.
Ferðsla í gomlu tunlunum – einvegis ferðsla norðureftir frá kl. 12.22
Kl. 12.15 er seinasta umfar/møguleiki fyri at koyra suður gjøgnum gomlu tunlarnar frá Hvannasundi og Árnafirði.
Frá kl. 12.22 er bert møguleiki at koyra einvegis norðureftir frá Ánunum og Árnafirði gjøgnum gomlu tunlarnar.
Kl. 13.15 er seinasta umfar/møguleiki fyri ferðslu norðureftir gjøgnum gomlu tunlarnar frá Ánunum og Árnafirði og hareftir vera tunlarnir stongdir.
Opið fyri almennari ferðslu í nýggju tunlunum
Umleið Kl. 14.10 verður latið upp fyri almennari ferðslu frá tunnilsmunnanum Hvannasundsmegin.
Umleið Kl. 14.20 verður latið upp fyri almennari ferðslu frá tunnilsmunnunum í Árnafirði og í Ánunum.
Roknað verður við nógvari ferðslu og heitt verður á bilførarar at sýna stórt varsemi og tol í sambandi við tiltakið.
Tíðindaskriv um sjálvt hátíðarhaldið er at finna her
