Poula Michelsen verður tann í familjuni hjá Poul Michelsen, sum fer at koyra ognarpartin hjá familjuni víðari. Hon er nú høvuðspartaeigari í P/F Poul Michelsen saman við fólki, sum hava starvast leingi í fyritøkuni og einum íleggjara.
Higartil hevur felagið P/F PM Holding átt størsta partin í felagnum, og saman við ognarlutinum hjá Poul Michelsen átti familjan soleiðis 60 prosent av fyritøkuni.
– Nú verður fyritøkan ikki »familjuogn« meira, sigur Poula Michelsen í samrøðu við Sosialin.
Har greiðir hon eisini frá, at systkin hennara eru ikki við sum eigarar, tey verða keypt burtur úr felagnum – ein avtala, sum er gjørd í sátt og semju í familjuni, siga tey bæði.
PM Holding er framvegis eitt felag, sum familjan eigur – nú øll uttan Poula. Men tá ið nú Poula Michelsen tekur yvir, eigur PM Holding bara ein lítlan part, tvey prosent, eftir í felagnum P/F Poul Michelsen.
– Og so sleppi eg á aðalfund, sigur Poul Michelsen við einum smíli.
Lesið eisini: Poul Michelsen fer úr sínum egna lívsverki
##med2##
Støðan í felagnum broytist eisini soleiðis, at meirilutin í felagnum ikki longur er í familjuni, men tað broytir einki bygnaðin í felagnum, siga Poula og Poul Michelsen í samrøðuni í Sosialinum.
– Øll tey, sum vóru í fyritøkuni, eru her enn, eingin nýggjur partaeigari er komin inn, og tað er heldur eingin, sum nú eigur meirilutan, sigur hon.
##med3##
– Tað er meira tað, at PM Holding verður keypt burturúr, og at býtið verður øðrvísi, sigur hon.
– Eg eri tann í familjuni, sum haldi fram, sigur hon.
Drúgv samrøða við Poulu og Poul Michelsen er í Sosialinum á jólum. Blaðið kann keypast í leysasølu um alt landið, og haldarar kunnu eisini lesa blaðið á sos.fo
##med4##
##med5##
