Framsókn fær næstan líka nógvar tingsessir sum Fólkaflokkurin.
Tað vísir nýggjasta veljarakanningin, sum Fynd hevur gjørt fyri Sosialin, og sum sæst í blaðnum í dag.
Sambært kanningini fær nýggjasti flokkur á tingi, Framsókn, 11 prosent av atkvøðunum. Tað hevði givið flokkinum fýra fólk á tingi. Framgongdin er 4,7 prosent. Flokkurin stillaði upp fyri fyrstu ferð til løgtingsvalið í 2011. Tá fekk flokkurin 6,3 prosent og tvey umboð á ting.
Tað var Poul Michelsen sum stovnaði flokkin í 2011. Hann fór úr Fólkaflokkinum, sum hann hevur umboðað á tingi í fleiri ár. Hann hevur eisini sitið sum borgarstjóri í Tórshavnar kommunu í 12 ár fyri Fólkaflokkin.
Sambært kanningini fær Fólkaflokkurin 16,2 prosent og 5 tingsessir.
Veljarakanningin sæst í Sosialinum í dag – sum eisini kann keypast VIÐ AT TRÝSTA HER
