Fleiri ferðir fyrrapartin hevur útrykningur verið í Havn.
Talan hevur bert verið um venjing.
Á sjúkraflutningstænastuni hava tey níggju næmingar, sum í hesum døgum eru á skeiði, fyri at kunna verða fastir avloysarar á sjúkraflutningstænastuni.
At koyra útrykning er partur av skeiðnum, og fyrrapartin vóru teir níggju næmingarnir til koyriroynd.
Undir royndini skuldu næmingarnir eitt nú koyra í tættari ferðslu, framvið ljóðskurvum og á støðum, har gonguteigur er.
Venjingin endar á middegi.
