Tá hevði formaðurin í TB, Jóan Petur Olgarsson onga viðmerking, men í morgun váttar hann, at pólski venjarin er uppsagdur. Tað var í juli í fjør, at Krzysztof Popczynski og TB skrivaðu undir samstarvsavtalu. Henda avtala varð longd í oktober. – Málið var, at TB skuldi vinna seg uppaftur í bestu deildina, men nú kappingin er meiri enn hálvrunnin, sær tað svart út hjá TB. Liðið liggur nummar fýra í deildini, átta stig aftanfyri oddaliðið 07 Vestur.
