Mikukvøldið 7. august verður eitt øðrvísi politiskt tiltak við valevnum og tónleikarum í Klaksvík.
- Tað verða ikki vanligar valrøður, men ístaðin er ætlanin, at politikararnir luttaka við tónleiki, við at rappa, kvøða ella við sangi. Møguleiki er somuleiðis at lesa upp yrkingar ella framføra tónlistarlig verk við løttum innihaldi og í einum tóna, sum fer at skapa hugna, látur og felagsskap, sigur Café Gloria, ið skipar fyri.
Allir politisku flokkarnir á tingi og teir báðir nýggju flokkarnir vera til tiltakið í kaféini.
- Vit vóna at síggja so nógv valevni sum gjørligt, og gleða vit okkum til hvussu kreativ tey fara at verða í sínum framførslum, siga fyrireikararnir.
