Føroyska politiið, sum hevur handtikið 14 Sea Shepherd limir í sambandi við grindadrápið í gjár, ætlar at tey skulu útvísast.
Tað gjørdi Jón Klein Olsen greitt í samrøðu við Kringvarpið fyri løtu síðani.
Talan er um sjey kvinnur og sjey menn í aldrinum 21 til 30 ár, og tey koma frá fimm ymiskum londum.
Nøkur av teimum sita í løtuni til avhoyringar hjá politinum, meðan nøkur sita í Mjørkadali.
Jón Klein Olsen sigur, at tey verða framstillað í grundlógaravhoyring einaferð seinnapartin, klokkan trý ella fýra.
Har fer ákæruvaldið at mæla til útvísing av teimum 14 Sea Shepherd yvirgangsfólkunum.
