Okkara træfátæka land hevur brúk fyri trøum, nógvum trøum! Tey lívga, fjálga, fríðka, reinsa!
ÍSLAND: Íslendingar hava gjørt sera nógv við træplanting. Seinastu árini hava teir plantað fleiri milliónir trø um árið.
Skulu vit samanbera okkum við Ísland, eg hugsi bæði um landastødd og fólkatal, so áttu vit at plantað næstan 150.000 trø um árið! Dugir onkur at siga, hvussu nógv trø, vit munnu planta í Føroyum árliga?
JÓLAÓDNIN 1988: Meir enn 20 ár eru liðin, síðan jólaódnin herjaði í Føroyum. Hví mundi tað ganga so seint at rudda og planta í viðarlundunum? Orsøkin man vera, at alt ov lítil fíggjarstuðul verður latin til træplanting/skógrøkt!
TÓRSHAVNAR KOMMUNA 100 ÁR: Hugskot til Tórshavnar kommunu: Planta 100 trø í miðbýnum, nú Tórshavnar kommuna fyllir 100 ár sum fólkavald kommuna! Eg undrist annars á, at eitt træ varð avkvett beint við býráðssalin, at einki nýtt træ er plantað beint norðan fyri býráðsbygningin (gróthúsið), at einki træ er plantað aftur við ”Keypsuna” í miðbýnum o.s.fr. !?!
Hugaligt at síggja øll trøini fram við vegnum í miðbýnum í Reykjavík. Kundi okkurt tílíkt ikki verðið gjørt í Havn? Millum hasi jørnini í gongugøtuni, t.d.!?
HAVNARÁ Í DAGSINS LJÓS!?: Nú líður so væl at reinsa áirnar í Havn. Tøkk fái Kommunan fyri tað! Er tað ikki gylt høvi at byrja ætlaðu uppafturlatingina av Havnará, nú Tórshavnar kommuna fyllir 100 ár?! Og hvussu við Áarstovu?
E.S.: Tøkk til foreldrini hjá 7.b fyri gott træplantingarsamstarv! Eisini ein kvøða til gullsmiðin!
Við træplantingarkvøðu
