Hin 33 ára gamli kroatin, sum nevningarnir mánakvøldið dømdu sekan í at hava dripið og burturbeint Dánjal Petur Hansen, hevur í dag váttað, at Piddi er dripin og tveittur á sjógv.
Kroatin hevur kortini ikki sagt nakað um, hvør hevur framt illgerðina.
Í Føroya rætti í dag hava partarnir grundgivið fyri sínum revsikrøvum móti kroatanum, og tað var á rættarfundinum í dag, at hetta kom fram.
Portalurin hevur fylgt rættarfundinum í dag og fer at venda aftur til fundin í kvøld.
