Í døgunum 9-12. apríl vitjar virðislønti, danski yrkjarin Pia Tafdrup í Føroyum
Pia Tafdrup, sum í 1999 fekk Norðurlendsku Bókmentavirðislønina fyri yrkingasavnið Dronningeporten (1998), fer á vitjanini at lesa upp úr nýggjastu yrkingasøvnum sínum og at greiða frá.
Við á vitjani er maður Pia Tafdrup, Bo Hakon Jørgensen, bókmentafrøðingur, ið fer at halda fyrilestrar um danskar høvundar.
Eisini er ætlanin at skipa fyri einum tiltaki, har limirnir í Rithøvundafelagnum fáa høvi at hitta Piu Tafdrup.
Fyribils skráin fyri vitjanina sær soleiðis út:
Á Fróðskaparsetrinum, Føroyamálsdeildini mikudagin 9. apríl kl. 13-15: Pia Tafdrup sigur frá ritverki sínum og lesur upp úr úrvalssavninum Springet over skyggen, 2006
Á Fróðskaparsetrinum, Føroyamálsdeildini hósdagin 10. apríl kl. 13: Bo Hakon Jørgensen, bókmentafrøðingur, heldur fyrilestur um danska yrkjaran Per Højholt.
Í Norðurlandahúsinum leygardagin 12. apríl kl. 13: Bókmentaligur seinnapartur. PiaTafdrup lesur upp úr savninum Tarkovskijs heste og greiðir frá. Bo Hakon Jørgensen, bókmentafrøðingur, heldur fyrilestur um danska rithøvundin Karen Blixen.
