Veðurmaðurin í Miðlahúsinum var ikki sørt ovfarin, tá hann í morgun fekk køku, tá hann kom til arbeiðis.
Petur Skeel Jacobsen fer í summarfrí í dag, og sostatt verður hann ikki at hoyra í tíðindasendingunum á Rás2 komandi vikurnar.
Ein, sum fer at sakna veðurforsagnirnar frá Peturi Skeel Jacobsen, er málarameistarin Uni Zachariasen.
- Alt okkara arbeiðið verður lagt til rættis eftir tí, sum Petur Skeel Jacobsen sigur um veðrið. Hann hevur stóran týdning fyri okkum, sigur Uni Zachariasen.
- Nú hevur hann givið okkum gott veður alla vikuna, so vit hildu, at hann skuldi hava køku afturfyri, sigur Uni Zachariasen.
So er bert at vóna, at veðrið framhaldandi heldur sær, hóast Petur Skeel Jacobsen, sum skjótt verður 88 ára gamal, fer í summarfrí.
