Umstríddi umhvørvisstríðsmaðurin Pete Bethune kom í gjár til Føroya. Hann skal kunna seg við føroysk viðurskifti, tí ætlanin er at gera átak ímóti grindadrápi í summar Komandi dagarnar verður Pete Bethune staddur í Føroyar. 45 ára gamli umhvørvisstríðsmaðurin er ættaður úr New Zealandi, og hann ætlar sær í summar at gera átak ímóti grindadrápi. Við í ferðalagnum í Føroyum er eisini Ady Gil, sum áður hevur verið við til at fíggja skip hjá felagsskapinum Sea Shepherd, sum Pete Bethune hevur ført. Í løtuni arbeiðir Bethune tó við eini sjálvstøðugari ætlan og er ikki partur av Sea Shepherd.
Pete Bethune gjørdist víðagitin, tá ið hann fyrraárið rendi sítt skip á eitt japansk hvalaveiðiskip í Suðurhøvum. Skipið hjá Bethune, Ady Gil, sakk eftir samanstoytin, meðan japanska hvalaveiðiskipið slapp við minni skaða. Nakað seinni fór Pete Bethune umborð á sama japanska hvalaveiðiskip, tí hann vildi handtaka skiparan. Men endin var, at Pete Bethune var tikin og sendur til Japans, har hann fekk ein 2 ára treytaðan dóm fyri tilburðin og varð útvístur úr Japan.
Pete Bethune hevur nú vent eyguni ímóti Føroyum, og hann ætlar sær at gera eitt átak ímóti grindadrápi í summar. Nú er hann so komin til Føroya við fylgisneytanum Ady Gil at kunna seg við føroysk viðurskifti.
Pete Bethune verður gestur á Rás2 í morgun klokkan 10.
