Danski uttanríkisráðharrin vitjar í Føroyum í vikuni Per Stig Møller, uttanríkisráðharri, kemur til Føroya á vitjam. Hann verður her í morgin og mikudagin og skal hitta millum annað løgmann og uttanlandsnevndina hjá Løgtinginum.
Løgmansskrivstovan sigur, at á skránni er millum annað globaliseringsstrategiin hjá uttanríkismálaráðnum og Visjón 2015 og føroyska sambandið við ES og EFTA.
Herumframt verður samstarvið millum uttanríkismálaráðið í Keypmannahavn og Løgmansskrivstovuna umrøtt við atliti at Fámjinsskjølunum og uttanríkispolitisku lógini, sigur Løgmansskrivstovan.
