Føroya Pedagogfelag, Kommunala Arbeiðsgevarafelagið og Fíggjarmálaráðið hittust til fundar í morgun klokkan 11 á Ráðhúsinum í Havn. Eingin av pørtunum kallaði hetta samráðingar, heldur var hetta ein hugnaligur kunningarfundur millum partarnar.
Tað skrivar Tórshavnar kommuna á síni heimasíðu.
Lagt verður aftrat, at fundurin varð liðugur fyri middag.
- Hetta var ein góður, konstruktivur og hugnaligur fundur, har tosað varð um gongdina seinastu dagarnar, sigur borgarstjórin, Heðin Mortensen, sum eisini er formaður í Kommunala Arbeiðsgevarafelagnum.
Á fundinum varð gjørt av, at Føroya Pedagogfelag ger eitt upplegg til partarnar, og tá tað er gjørt, verður fundur aftur.
- Einki varð tosað um at boðsenda semingsstovninum av nýggjum, skrivar heimasíðan hjá Tórshavnar kommunu.
Við útvarpið hjá Kringvarpinum á middegi í dag, segði Maud Wang Hansen, forkvinna í Føroya Pedagogfelag, at tað ikki er vist, at uppleggið hjá felagnum verður klárt í dag.
Myndin er av heimasíðuni hjá Tórshavnar kommunu.
