Pauli vann føroyingauppgerðina - HØJ hevur framvegis fult stigatal

Føroyingauppgerð var í næstbestu donsku hondbóltsdeildini í kvøld.

Í Frederiksberg Opvisning høllini tóku Janus Dam Djurhuus, Bogi Hansen, Leivur Mortensen og liðfelagarnir í FIF móti landsliðsmálverjanum, Paula Jacobsen og liðfeløgum hansara í HØJ.

HØJ gjørdi sum teir hava gjørt teir undanfarnu 15 dystirnar higartil í kappingini. Teir vunnu sekstanda dystin á rað.

Í kvøld vunnu Pauli og liðfelagarnir 33-27 á FIF. Í fyrra hálvleiki leikaði javnt á, og var HØJ bert á odda við einum máli, 16-15 í steðginum.

Janus skoraði tvey mál og Bogi skoraði eitt mál. 

Leygardagin klokkan 15 verður oddauppgerð. Tá tekur liðið hjá Teis Horn Rasmussen og Peter Krogh, Aarhus HC móti HØJ á heimavølli. Sama dag klokkan 13 hevur FIF dyst á útivølli móti Midtjyllandi. 

Støðan: