Tvey føroyingalið í næstbestu donsku hondbóltsdeildini hjá monnum vóru í leiki í dag.
Í Jyllinge-høllini vunnu landsliðsmálverjin, Pauli Jacobsen og liðfelagarnir í HØJ greiðan 29-23 sigur á Tønder. Í steðginum var HØJ á odda 15-11,
Í Rækker Møller høllini vunnu Teis Horn Rasmussen, Peter Krogh og liðfelagarnir í HC Aarhus greiðan 30-22 sigur á Rækker Møller. Tá lá sera væl fyri hjá Aarhus í fyrra hálvleiki, og í steðginum var Aarhus á odda 17-7. Teis skoraði eitt mál í dystinum.
Nú fara Pauli, Teis og Peter at hugsavna seg um EM-undankappingardystin móti Kosovo, ið verður leiktur í høllini á Hálsi komandi mikukvøld klokkan 19.
Í næstbestu donsku deildini eru fýra føroyingalið millum fimm tey fremstu liðini:
Støðan:
| Nummar | Lið: | Dystir: | Stig: |
|---|---|---|---|
| 1 | HØJ | 9 | 18 |
| 2 | Skive | 9 | 16 |
| 3 | Aarhus HC | 9 | 14 |
| 4 | Lemvig-Thyborøn | 9 | 11 |
| 5 | Team Sydhavsøerne | 9 | 11 |
| 6 | HC Odense | 9 | 9 |
| 7 | HC Midtjylland | 9 | 8 |
| 8 | FIF | 9 | 8 |
| 9 | Odder | 9 | 8 |
| 10 | Tønder | 9 | 7 |
| 11 | Norddjurs | 9 | 6 |
| 12 | Rækker Mølle | 9 | 6 |
| 13 | Roskilde | 9 | 2 |
| 14 | Faaborg | 9 | 2 |
