Patrik skoraði og vann á Gunnari

Í dag var føroyingauppgerð í bestu íslendsku fótbóltsdeildini millum liðið hjá Patriki Johannesen, Keflavík og liðið hjá Gunnari Nielsen, FH í Keflavík.

Patrik Johannesen og liðfelagar hansara vunnu dystin 2-1, har Patrik við sínum fjórða málið hetta kappingarárið legði Keflavík á odda 1-0 longu tá 12 minuttir vóru farnir av dystinum. Patrik fekk eina góða sending frá Kian Williams, og setti bóltin framvið Gunnari Nielsen. Øll trý málini í dystinum vóru skotin fyrstu 28 minuttirnar av dystinum. 

Keflavík 2 - 1 FH

 1-0 Patrik Johannesen ('12)

 1-1 Matthías Vilhjálmsson ('24)

 2-1 Dani Hatakka ('28)

Patrik og liðfelagarnir sum av íslendsku serfrøðingunum eru spáddir at flyta niður í næstbestu deildina eru nú fýra stig røttumegin niðurflytingarstrikuna við sjey stigum. 

Patrik hevur skotið fýra mál í átta dystum higartil í deildini. 

Komandi sunnudag vera tvær føroyingauppgerðir. Kaj Leo í Bartalsstovu og Akranes taka móti Keflavík á heimavølli, og Gunnar og hinir í FH taka móti Halli Hansson og KR á heimavølli. 

Støðan: