Tað er danska løgreglufelagið, sum nú rópar varskó. Felagið sigur, at alt ov fá løgrelgufólk eru í Kastrup við tí úrsliti, at nógv fólk sleppa ígjøgnum passeftirlitið, sjálvt um tey ikki áttu at sloppið ígjøgnum.
-Vit sleppa ikki undan, at nakrir skeivir persónar sleppa inn í landið, sigur felagið.
Fakblaðið Dansk Politi skrivar, at passeftirlitið í Kastrup lýkur ikki ásetingarnar í Schengen-samstarvinum um eftirlit við fólki, sum ferðast inn og úr Schengen-økinum.
Í blaðnum verður víst á, at tey seinastu 13 árini er løgreglumanningin í Kastrup minkað eina helvt, samstundis sum ferðafólkatalið er vaksið 30 prosent.
