- Allir partrolararnir fiska upsa í løtuni, og teir koma inn at landa, sum næsta vika gongur. Fiskiskapurin er sum heild vánaligur, men okkurt parið hevur fingið nakað av upsa.
Tað vita tey á Fiskamarknaði Føroya at siga.
Lagt verður aftrat, at trý pør framvegis eru á gulllaksaveiði, og á viðheftu mynd er eitt av skipunum, sum í fleiri ár hevur fiskað gulllaks í summarhálvuni.
Um djúpvatnstrolararnar verður sagt, at ein fiskar svartkalva í Eysturgrønlandi og frystir veiðina umborð.
- Ein annar djúpvatnstrolari, sum eisini fiskar svartkalva, kemur inn at landa í vikuni sum kemur. Ein djúpvatnstrolari fiskar stinglaks - og so eru tveir sum frysta veiðina umborð.
Um teir smáu trolbátarnar verður sagt, at ein er vesturi á Rygginum og kemur helst inn at landa síðst í næstu viku - og so er ein á landleiðini og kemur helst eisini inn at landa síðst í næstu viku.
- Tvey garnaskip eru á svartkalvaveiði. Fiskiskapurin er smáligur, men væntandi er, at skipini koma inn at landa fyrst í vikuni sum kemur, verður lagt aftrat á Fiskamarknaði Føroya.
