Partrolararnir, sum fiska upsa, fiska á ymiskum leiðum kring Føroyar, men fiskiskapurin er yvirhøvur smáligur. Upsaskipini koma inn at landa so hvørt, sum næsta vika gongur.
Fiskamarknaður Føroya veit at siga, at tríggir djúpvatnstrolarar fiska svartkalva, og teir fáa eisini nakað av kongafiski og blálongu.
- Møguliga landar onkur djúpvatnstrolari, sum er á ísfiskaveiði, síðst í vikuni sum kemur
Ein djúpvatnstrolari fiskar svartkalva og frystir veiðina umborð.
Tríggir trolbátar eru til fiskiskap. Tveir eru norðan fyri, og ein er vestanfyri. Teir landa helst miðskeiðis í næstu viku.
Fiskamarknaður Føroya veit at siga, at trolbátarnir fáa mest av toski og nakað av hýsu, reyðsprøku og tungu.
