Italski venjarin hjá Sunderland, tann umstríddi Paolo Di Canio, er nú koyrdur. Tað boðar heimasíðan hjá felagnum frá.
Hann náddi at verða venjari í 13 dystum fyri Sunderland. Hann bleiv settur sum bjargingarmaður í farna kappingarári. Tá eydnaðist honum at bjarga lívinum í bestu deildini.
Til kappingarárið í ár hevur hann verið ein umstríddur maður í Sunderland. Hann hevur selt og keypt í hópatali, og hevur gjørt seg ókláran við fleiri nú fyrrverandi spælarunum.
Millum annað keypti hann 14 spælarar og seldi 15.
Byrjanin upp á kappingini hevur verið alt annað enn góð, og felagið liggur niðast í Premier League, eftir fimm umfør.
Fyribils venjari verður Kevin Ball. Sunderland skal týskvøldið spæla móti Peterborough í Liga Cup.
