Baywatch-superstjørnan Pamela Anderson, sum er mest kend fyri sín
kropp, skal giftast við nýggja sjeikinum hjá sær. Nýggi sjeikurin er eingin annar enn eks-sjeikurin hjá Paris Hilton, Rick Salomon. Tað var hesin, sum Paris Hilton gjørdi populera sexfilmin
?One Night in Paris? saman við í 2003. Tað var Rick sjálvur, sum hevði almannakunngjørt pornofilmin. Rick stovnaði tá sítt egna pornofilmsfelag, sum framleiddi filmin. Síðan ´03 hevur Rick livað av hesum umframt professionella poker-spælinum hjá sær.
Rick og Pamela hava bert verið saman í nakrar vikur, men longu nú hava
tey so avgjørt at verða forlovaði. Datoið fyri brúdleypið er tó ikki fastlagt enn.
Tað er tó ikki fyrstu ferð, at Pamela velur at verða gift tíðliga í
forholdinum. Hon varð gift við eksmanninum Tommy Lee, eftir at tey bert høvdu kennst í 96 tímar!
Tá ið Pamela fyri nøkrum vikum síðani var gestur í amerikanska talkshowinum hjá Ellen DeGeneres segdi hon um forholdið við Rick:
?Eg betaldi mína pokerskuld við sex og so varð eg forelskað. Tað var
so romantiskt?.
