Vernd av Suðuroyar Sjúkrahúsi skipar fyri almennum pallborðsfundið í ítróttarhøllini í Trongisvági.
Ætlanin er at manna panelið við fólki, sum hava førleika at svara øllum spurningum um støðuna hjá barnakonum í Suðuroynni, sum heldur óskipað skulu búleikast í Havn í fleiri vikur undan føðing.
Allir býráðslimir í oynni eru bjóðaðir við sum spyrjarapanel, men áhoyrarnir fáa sjálvandi eisini møguleika at seta spurningar.
Eisini er ætlanin at fáa mammur, sum seinastu tíðina hava átt í Havn at greiða frá, hvussu stóra ávirkan galdandi skipan hevur havt á familjuna bæði sálarliga, fíggjarliga og í aðrar mátar.
Eisini er ætlanin, at borgarar í oynni skulu fáa svar upp á, hvønn leiklut Suðuroyar Sjúkrahús kemur at hava innan føroyska heilsuverkið í framtíðini.
Vernd fer at kunngera høvuðspanelið, tá tað endaliga er komið upp á pláss, skrivar sudurras.fo.
