Kristi Himmalsferðardag verður aðalfundurin hjá Kristiligt Lurtara- og Hyggjarafelag hildin í Kelduni í Skálafirði.
Aðalfundurin byrjar klokkan 15, og í sambandi við aðalfundin, verður almennur pallborðsfundur og alment sangmøti seinni um dagin.
Pallborðsfundurin verður millum klokkan 16.30 -18.00. Evnið er: Mentan at loyva og at lúka er nakað mark í KvF?
Við pallborðið sita Bjarni Djurholm, formaður í løgtingsins mentanarnevnd, Solby Eliasen, programmleiðari í KvF, Liljan Weihe, tíðindaleiðari í Kvf og Uni Næs, formaður í Kristiligt Lurtara- og Hyggjarafelag.
Klokkan 19 er sangmøti í Kelduni, har ymisk kór syngja.
Í Kristiligt Lurtara- og Hyggjarafelagi eru um 1200 limir.
