Eftir triðja og seinasta uppstillingarfund hjá Sandoyar Tjóðveldisfelag í gjárkvøldið er nú greitt, at Páll á Reynatúgvu stillar uppatur til komandi løgtingsval.
- Tað varð einmælt samtykt á øllum trimum uppstillingarfundunum, at Páll skal stilla uppaftur, sigur Kristian Oskar Henriksen, formaður felagsins.
Sjálvur skrivar Páll á Reynatúgvu á sínari facebook-síðu 4. august, tá hann hevur verið á sínum seinasta løgtingsfundi á hesum sinni:
- Mær er - sum tí einasta - unt at vera á øllum tingfundum í hesum valskeiðnum. Hetta er eitt sindur undarligt við øllum avlýsingunum, sum hava verið hjá Teistanum.
Henda dagin á sínari facebook-síðu vísir sandoyartingmaðurin á, at tá uppstillingarfundir verða í Sandoyar Tjóðveldisfelag, verður greitt, um hann stillar uppaftur.
- Eg eri framvegis eyðmjúkur og stoltur av at umboða mítt fólk og mítt land, leggur hann aftrat.
Nú er so endaliga greitt, at Páll á Reynatúgvu verður valevni hjá Sandoyar Tjóðveldisfelag á løgtingsvalinum komandi.
