Hóast KÍ mangan sigldi tungt í ár, so var tað ein maður framum aðrar, ið syrgdi fyri, at KÍ-skútan allatíðina helt sær omanfyri vatnskorpuna.
Páll Klettskarð, sum í fjør varð kosin Ársins stjørnuskot, er júst nú kosin Ársins áleypari á Hvonn Live tiltakinum, sum Miðlahúsið og Fótbóltssamband Føroya skipa fyri saman við Hvonn.
- Vit hava gjørt nógv mál í alt ár, og tað kann eg einans takka mínum liðfeløgum fyri, segði Páll Klettskarð.
Merkisvert er, at Páll Klettskarð ikki skoraði flest mál í landskappingini. Tað gjørdi Klæmint Olsen við sínum 21. Páll Klettskarð fekk 20 og nummar fýra á toppskjúttalistanum var Finnur Justinussen, sum eisini taldist millum teir tríggjar, ið fingu flestar atkvøður í kappingini um at gerast Ársins áleypari.
Í fjør var tað Clayton Soares hjá ÍF, sum gjørdist Ársins áleypari.
Á hesari leinkjuni sæst løtan, tá Páll Klettskarð og Heidi Sevdal vóru heiðraði, sum ársins álopsspælarar: http://www.youtube.com/watch?v=Koby3kqUs0o&feature=youtu.be
