Í dag leiktu Pætur J. Petersen og liðfelagarnir í KA annan heimadystin á rað á Akureyri í bestu íslendsku fótbóltsdeildini.
Í dag lá væl fyri hjá akureyringum, ið vunnu trivaligan 3-0 sigur á ÍBV.
Asgeir Sigurgeirsson legði KA á odda tá 25 minuttir vóru leiktir. Bjarni Aðalsteinsson økti til 2-0 tá 50 minuttir vóru leiktir, og Þorri Mar Þórisson staðfesti sigurin tá 84 minuttir vóru leiktir av dystinum.
Pætur kom á vøllin tá 20 minuttir vóru eftir av vanligu leiktíðini.
KA er fyribils nummar eitt í deildini við fýra stigum fyri tveir dystir.
Í annaðkvøld klokkan 18 spæla Gunnar Vatnhamar og liðfelagarnir í Víkingi Reykjavík heimadyst móti Fylkir. Í annaðkvøld klokkan 20.15 spælir liðið hjá Patriki Johannesen og Klæminti A. Olsen, Breiðablik móti Vali á útivølli.
