Hetta gjørdist eitt gott vikuskiftið hjá Pæturi Mikkjalssyni og liðfeløgunum í AMO.
Ígjár tapti oddaliðið undan hesum umfarinum, Karlskrona fyrsta dystin hetta kappingarárið 29-30 fyri Skånela ígjár.
Hetta merkti, at vann AMO heimadystin móti AIK Stockholm við meira enn seks málum kundi AMO røkka oddasessinum í næstbestu svensku hondbóltsdeildini.
Tað var júst tað sum hendi. AMO vann stórsigur 36-24 á AIK. Í steðginum var AMO á odda 17-12.
Pætur stóð væl í verjuni, og tað eydnaðist honum eisini at skora trý mál í dag.
AMO og Karlskrona hava nú bæði 23 stig fyri 13 dystir, men við betri málmuni er AMO fremst í deildini. Fimm stig eru niður til Skånela, ið hevur 18 stig á triðja plássinum.
Kappingin er nú komin í helvt, og komandi leygardag byrjar AMO uppá seinnu hálvu við útidysti móti AIK.
