Pætur Mikkjalsson og liðfelagarnir í AMO eru framvegis ósigraðir aftaná tey fyrstu seks umførini í næstbestu svensku hondbóltsdeildini.
Ígjár vann AMO greiðan 33-25 sigur á IFK Karlskrona. AMO legði góðan botn við at vera á odda 17-11 í steðginum.
Pætur heldur í stuttari viðmerking ikki, at talan var um besta leikliga avrikið hjá AMO, men teir í AMO fegnast um sigurin.
Pætur skoraði trý mál uppá fýra málroyndir.
AMO er næstfremst í deildini við 11 stigum av 12 møguligum. Fremst er Karlskrona (hitt liðið úr Karlskrona) við fullum stigatali, 12 stigum av 12 møguligum.
Sunnudagin 30. oktober tekur AMO móti Kungälv á heimavølli.
