Páskastevnan, sum byrjaði í Gøtu skírisdag, heldur fram teir næstu dagarnar, og í kvøld er møti, har Bergur D. Joensen, talar og ung syngja Í døgunum 5.-9. apríl er kirkjukjallarin í Gøtu kirkju karmur um páskastevnu. Møtirøðin byrjaði soleiðis skirisdag og helt fram langa fríggjadag.
Í kvøld er aftur møti í kirkjukjallaranum, og hesaferð talar Bergur D. Joensen, prestur. Ung syngja, og innsavnan er til nýtt missiónshús.
Øll kvøldini, meðan møtini eru, er barnaansing við bíbliusøgu, sangi og ymiskum ítrivi, og hvørt kvøld er eisini barnaløta ein hálvan tíma áðrenn møtini byrja.
Fyrsta páskadag - tað er í morgin - verður familjugudstænasta á middegi, har Martin R. Jacobsen, prestur, talar og barnakór syngur.
Klokkan 18 í annaðkvøld verður møti við Ingolfi Johannesen, og Bethania-kórið syngur.
Annan páskadag verður aftur gudstænasta á middegi, og hesaferð talar Hans J. Joensen, bispur.
Klokkan 18 annað páskakvøld verður seinasta møtið í røðini, og tá talar Pól Johannesen, og Magni Christiansen syngur.
Øll eru hjartaliga vælkomin, siga tey í Gøtu.
