Páll á Reynatúgvu vil ikki lata ákærurnar móti sínum persóni standa ósvaraðar. Í lesarabrævi til føroysku fjølmiðlarnar sigur Páll á Reynatúgvu millum annað, at álopið frá Brandi Sandoy er tað ótespiligasta, sum hann hevur upplivað.
- Hóast yvirskriftin ?bert? sipar til at undirritaði er fíggjarliga ábyrgdarleysur, so benda hinar yvirskriftirnar á, at alt verður gjørt fyri at avlíva karakterin hjá Páll á Reynatúgvu í einum. Populistiskar og sevjandi yvirskriftir sum ógegni, persónligur vinningur, fíggjarligt ábyrgdarloysi, og seinast men ikki minst, gíslatøka av børnum, skrivar Páll á Reynatúgvu.
Nú fyrrvernadi borgarstjórin metir tað ikki tæna nøkrum endamáli við longum verjurøðum, men mælir ístaðin til, at óheftir kanning verður gjørd av setanartilgongdini, tá leiðari í barnaverndartænastuni varð settur.
At grannskoðarar hjá Sands Kommunu og Sandoyar Skúlasambandi, gera eina fíggjarliga greining av støðuni á Meginskúlanum.
At grannskoðarar hjá Sands Kommunu og Skopunar Kommunu, gera upp eftirstøðuna hjá Skopunar Kommunu, á læknaøkinum.
At Innlendismálaráðið ger eina niðurstøðu, um kommunustýrislimur er gegnigur, ella ei, tá játtanir til kommunalar stovnar, har teirra avvarðandi arbeiða, verða viðgjørdar í kommunustýrinum.
Og at Innlendismálaráðið ger niðurstøðu, um sitandi borgarstjóri er gegnigur, tá setanarbrøkur borgarstjórans verður viðgjørdur í kommunustýrinum.
