Føroysku svimjararnir halda fram við at gera vart við seg í stóru svimjikappingini "Danish Open", sambært heimasíðuni svimjing.com, sum veit hesi gleðiligu tíðindini um Pál Joensen í kvøld : - Pál Joensen vann fyri løtu síðani gull í 800 metra frísvimjing á Danish Open 2013, tá ið hann í besta riðli í Bellahøj svam teinin uppá 8:07.21, tíggjunda besta tíð í heiminum í ár. Alvi Hjelm varð nummar 4 við frálíku tíðini 8:34.97, ið er ein pen betring í mun til hansara bestu tíð á 8:41.68 frá NMU 2012.
Sportalurin ynskir Páli Joensen tillukku við gullinum á 800 metrum.
