Hósdagin klokkan 16 leggur Pól Jespersen, høvundur, fram bókina Rúmdin í bókahandlinum Rit & Rák í SMS í Havn. Aftaná er høvið at keypa bókina og fáa høvundan at skriva í hana.
Rúmdin er bók, sum fevnir breitt og er í fleiri løgum. Lesarin kann gleða seg um at verða førdur inn í ein spennandi heim við einum framúr frásøgumanni sum ferðaleiðara.
Í bókaummæli í dag sigur Halgir Winther Poulsen, at Betri jólagávu kanst tú ikki keypa tær sjálvum ella onkrum, sum tú unnar eina gávu útum tað vanliga.
Rúmdin er 342 blaðsíður.
