Fløkjan hjá Landsverki í málinum um Skúladepin í Hovi hevur nú kostað landsverksfrøðinginum starvið. Innlendismálaráðið boðar frá, at Oyvindur Brimnes er farin frá sum stjóri á Landsverk.
- Grundað á málið um byggingina av Skúladeplinum í Hovi, hava Oyvindur Brimnes og Innlendismálaráðið avgjørt at enda samstarvið. Oyvindur Brimnes er tí í dag farin úr starvinum sum stjóri fyri Landsverk, stendur í tíðindaskrivinum.
Landsstýriskvinnan hevur gjørt av, at Rúni Joensen, aðalstjóri í Innlendismálaráðnum, fyribils røkir uppgávur stjórans á Landsverk.
Oyvindur Brimnes hevur verið stjóri á Landsverki síðani 2000.
Stjórar á Landsverki hava verið:
Oyvindur Brimnes 2000-2010
Hans Biskobstø 1998-2000
Henning Jacobsen 1988-1998
Mikkjal Helmsdal 1948-1988
