Tað var púra óvæntað, tá ið Havnarbáturin við óroyndari manning fyri einari viku síðani megnaði at bjóða sigursvandu veteranunum á Orminum Langa av. So stór var kappingin á norðoyastevnu, at tað var heilt spennandi heilt inn á málið.
Í dag var heilt øðrvísi. Lítla lágættarlotið var kanska størri avbjóðing, enn tað var hjá tyngru manningini á Orminum Langa.
Ormurin Langi leyp avstað og var skjótt eina hálva bátslongd frammanfyri og so eina bátslongd á odda. Og fram ímóti málinum øktist munurin so mikið nógv, at hann á málinum var nærri trimum enn tveimum bátslongdum.
1 Ormurin Langi 04:39:25
2 Havnarbáturin 04:46:30
